Njoftohen të gjithë kompanitë e interesuara se është iniciuar procesi i implementimit të sistemit të nënshkrimit digjital për dokumentet dhe proceset elektronike në BKS.
Ky proces synon:
- Modernizimin e shërbimeve dhe reduktimin e përdorimit të dokumenteve fizike
- Rritjen e sigurisë dhe autenticitetit të dokumenteve
- Lehtësimin e qasjes së qytetarëve dhe stafit në shërbime elektronike
Kompanitë e interesuara mund të parashtrojnë pyetje ose shprehje interesi në adresën elektronike zyrtare: [email protected]
Kërkesat Teknike – Nënshkrimi Digjital
- Siguria: Enkriptim i avancuar, mbrojtje kundër falsifikimit dhe monitorim i incidenteve.
- Integrimi: Funksionim i sigurt me sistemet ekzistuese të institucionit.
- Përdorshmëria: Ndërfaqe intuitive për përdoruesit, lehtësim i nënshkrimit të dokumenteve elektronike.
- Menaxhimi: Regjistrim i çdo nënshkrimi dhe gjurmueshmëri e plotë e dokumenteve.
- Disponueshmëria: Sistemi të jetë i aksesueshëm 24/7 dhe i qëndrueshëm.
- Mirëmbajtja: Përditësime software dhe suport teknik i vazhdueshëm.
Kërkesat për Kompaninë që do ta realizojë projektin
- Kompania duhet të jetë Ofrues i Licencuar i Shërbimeve të Besuara dhe Identitetit Digjital në Republikën e Kosovës, sipas ligjit në fuqi.
- Eksperienca: Përvojë në implementim të sistemeve të nënshkrimit digjital ose sistemeve të sigurisë elektronike.
- Kapaciteti teknik: Staf i kualifikuar në siguri kibernetike, integrim sistemi dhe mirëmbajtje software.
- Standarde: Zbatim i standardeve ndërkombëtare të sigurisë dhe menaxhimit të dokumenteve elektronike.
- Suport dhe mirëmbajtje: Mbështetje teknike 24/7 dhe përditësime software.
- Stabilitet financiar dhe referenca: Kompani e qëndrueshme, me referenca nga projekte të ngjashme të përfunduara me sukses.
Afati për parashtimin e pyetjeve ose shprehjes së interesi: 26.02.2026
