Dorëzohen certifikatat e edukimit të vazhdueshëm për kordinatorët- operatorët e sigurimeve pranë Byrosë Kosovare Sigurimit

Shefi i Qendrës së Trajnimeve të Shoqatës së Sigurimeve të Kosovës Adem Selmani ka dorëzuar certifikatat e edukimit të vazhdueshëm për kordinatorët- operatorët e sigurimeve tek Faton Pacolli, Drejtor i Departamentit të Sigurimit Kufitar pranë Byrosë Kosovare Sigurimit.

Shoqata e Sigurimeve të Kosovës ofron shërbimin e trajnimeve për licencim dhe edukim të vazhdueshëm për ndërmjetësuesit në sigurime, në bazë të rregulloreve në fuqi të miratuara nga Banka Qendrore e Kosovës.

Njëkohësisht, është bërë edhe dorëzimi i ID-ve përmes të cilave Banka Qendrore e Kosovës, klientët dhe palët tjera do të kenë mundësinë e identifikimit sa më të lehtë të stafit të anëtarëve të Shoqatës së Sigurimeve të Kosovës, të cilët janë të licencuar për ndërmjetësimin në sigurime dhe shitjen e produkteve të sigurimit.