Havolli: Po punohet të ulet numri i automjeteve të paregjistruara

10:00 / 01 Prill 2021

Zvogëlimi i numrit të veturave të pa regjistruara shihet si një mundësi që Kosova të aplikoj për anëtarësim në Kartonin e Gjelbërt.

Sokol Havolli, zëvendësguvernator i Bankës Qendrore të Republikës së Kosovës (BQK), tha se për sa u përket numrit të veturave të pasiguruara, BQK-ja ka kryer punën e tyre, vecëçse kjo çështje ndërlidhet edhe me disa ministri dhe çështje tjera. “I është dashur Bankës Qendrore të kosovës (BQK) ta udhëheqë një grup punues për të adresuar çështjet që lidhen me veturat e pasiguruara dhe zgjidhjen e problemeve me kompanitë e sigurimeve. Kjo është çështje që ju takon edhe BQK-së, edhe Ministrisë së Punëve të Brendshme, edhe Ministrisë së Infrastrukturës. BQK-ja siç e dini është në varg të reformave të ndërmarra në industrinë e sigurimeve , ku ndër të tjera ka pasur shtim të kapitalit aksionar në industrinë e sigurimeve, ka pasur për likuidime të kompanive të sigurimeve, ka pasur kthim në rregullativë dhe konform ligjit të kompanive të sigurimeve dhe natyrisht e jemi të interesuar ta përmbyllim këtë cikël të plotë të çështjeve të cilat janë të ndërlidhura me industrinë e sigurimeve”, tha Havolli për RTK. Havolli thekson se duhet të lëvizet drejt liberalizimit të tregut. “Për tu realizuar kjo duhet që të zgjidhen edhe një varg problemesh të cilat, fatkeqsisht fillojnë me numrin e madh të automjete të pasiguruara. Pra, ne kemi kryer pjesën tonë të punës sa i përket shtimit të kapitalit nga aksionarët”, tha ai. Zvoglimi i numrit të automjeteve të paregjistruara shihet si një mundësi që Kosova të aplikoj për antarësim në Kartonin e Gjelbër.

Mazreku: ULJA E VETURAVE TË PAREGJISTRUARA HAP RRUGËN PËR NË KARTONIN E GJELBËRT

Kurse Sami Mazreku, drejtor i Byrosë Kosovare të Sigurimeve (BKS) tha se Kosova synon të anëtarsohet në këtë institucion vetëm pasi të jenë kryer disa punë të brendshme.

“Këtë vit të kemi diçka konkrete,mos të kemi diçka vetëm pjesë të diskutimit, të dalim me numra të ri, me dalim me hyrje konkrete që Kosova të jetë në një nivel tjetër edhe të përfaqësimit, edhe të negocimit, sa u përket problemeve të brendshme që i kemi”, tha ai për RTK.Mazreku ka shpalosur plane që shkojnë në funksion të sigurisë më të madhe në trafik.

“Parashihet edhe investimi në pajisjet teknologjike te Policia e Kosovës, përmes pajisjeve të ndryshme, kamerave të cilat do të dhurohen PK-së, atehërë ata e kanë më të lehtë që këto vetura t’i detektojë. Ta zëmë nëse në çdo hyrje të Prishtinës i digjitalizomë nga një kamerë atëherë e monitorojmë çdo veturë që hyjë. Ka edhe pajisje të tjera që policia mundet me i përdor edhe në lëvizje. Kjo sigurisht që do të ulë numrin e automjeteve të paregjistrume dhe në anën tjetër këto pajisje, nëse Policia vendos me  i përdor edhe për punë të tjera që i ka edhe në bazë të përgjegjësive, këto pajisje mund të shqiptojnë në mënyrë automatike gjoba, munden me e matë shpejtësinë si dhe punë të tjera”. Për të ulur numrin e automjeteve të paregjistruara grupi punues është pajtuar që t’i kryej secili detyrat e veta./RTK /

Rreth Nesh

Byroja Kosovare e Sigurimit është themeluar me 07.09.2011 nga kompanitë e sigurimit të licencuara për të operuar në Republikën e Kosovës, bazuar në Ligjin Nr.04/L-018 mbi Sigurimin e Detyrueshëm nga Autopërgjegjësia.

Adresa

Rruga: Rr. Lidhja e Pejës p.n Magjistralja Prishtinë-Fushë 038 603 059 [email protected]