Me fillimin e aplikimit të ngjitësve (stickers) për identifikimin e automjeteve të regjistruara/siguruara në qarkullim rrugor, policëmbajtësit do të pajisen me formatin e ri të policës së sigurimit në të cilën qartë janë paraqitur të dhënat të cilat mblidhen dhe përpunohen nga siguruesit gjatë marrjes në sigurim.

Brenda një kohe shumë të shkurtë, polica e sigurimit do të konfirmohet/validohet nga Qendrat e Regjistrimit të Automjetit në mënyrë elektronike, pa qenë e nevojshme që polica e sigurimit TPL të prezantohet gjatë procedurës së regjistrimit të mjetit motorrik.

Byroja Kosovare e Sigurimit do të ndërmarrë të gjitha veprimet e nevojshme për ndërlidhjen e sistemeve të të dhënave ashtu që qytetarët e Republikës së Kosovës t’a kenë sa më të lehtë ndjekjen e procedurës së regjistrimit dhe sigurimit të mjetit motorik, ashtu që në vazhdimësi të rritet siguria e të gjithë pjesëmarrësve në komunikacion rrugor