Nënshkruhet memorandum bashkëpunimi me Agjencinë Kadastrale të Kosovës

U.D. Drejtori Ekzekutiv i Byrosë Kosovare të Sigurimit Sami Mazreku sot ka nënshkruar Memorandum Bashkëpunimi me Kryeshefin Ekzekutiv të Agjencisë Kadastrale e Kosovës Avni Ahmeti, përmes të cilës synohet lejimi i qasjes nga AKK për kompanitë e sigurimeve për leximin dhe printimin e informatave në Regjistrin e të Drejtës së Pronës së Paluajtshme (RDPP).
​
Nëpërmjet këtij sistemi për të cilin Agjencia Kadastrale e Kosovës i krijon qasje Byrosë Kosovare e Sigurimit, kompanitë e sigurimeve përmes shfrytëzimit të ueb shërbimeve do të kenë mundësinë e regjistrimit të hipotekave në mënyrë elektronike duke mundësuar qasje më të mirë në shërbimet publike, e cila ndikon drejtpërdrejtë edhe në rritjen e efikasitetit dhe procesimit të procedurave të lëshimit të garancive nga kompanitë e sigurimeve.

/ Byroja Kosovare e Sigurimit /