Fehmi Mehmeti, guvernator i Bankës Qendrore të Kosovës (BQK) në një intervistë për Radio Televizionin “Dukagjini” ka treguar se aktualisht në Kosovë gjenden hiç më pak se 150 mijë automjete të paregjistruara. Sipas tij, kompanive të sigurimeve në Kosovë u bëhet padrejtësi e madhe, sepse ato për çdo vit mesatarisht paguajnë rreth 5 milionë euro dëme për automjetet e paregjistruara. Edhe drejtori i Shoqatës së Sigurimeve të Kosovës Sami Mazreku alarmon për numrin në rritje të automjeteve të paregjistruara

Aktualisht në Kosovë janë më shumë se 150 mijë automjete të paregjistruara. Këtë e ka thënë në një intervistë për Radio Televizionin “Dukagjini” guvernatori i Bankës Qendrore të Kosovës (BQK) Fehmi Mehmeti. Ai më tutje ka thënë se në vazhdimësi gjatë takimeve që ka pasur me ish ministra, por edhe në opinione publike, numrin e madh të automjeteve të paregjistruara e ka konsideruar si shqetësim. “Është një padrejtësi e madhe që i behët këtij tregu të sigurimeve në Kosovë. Sot janë 150 mijë automjete të paregjistruara, që shkon nga 25 deri në 30 % të numrit të përgjithshëm të automjeteve. Për dëmet që shkaktojnë këto brenda vitit kompanitë e sigurimeve paguajnë rreth 5 milionë euro. Deri më tash janë paguar mbi 44 milionë euro vetëm për automjetet e pasiguruara, pa marrë prej tyre asnjë prim” ka thënë Fehmi Mehmeti, guvernator i BQK-së. Ai më tutje ka bërë të ditur se nëse qytetaret janë vonuar në regjistrimin e automjeteve kanë paguar një gjobë prej 40 euro, e ku këto mjete janë derdhur në buxhetin e shtetit, por jo te kompanitë. Ai më tutje gjatë intervistës ka shpjeguar se kompanitë vetëm kanë paguar shuma të mëdha të dëmeve pa marrë asnjë cent të vetëm. Guvernatori Mehmeti po ashtu ka treguar se për një kohë të gjatë kompanitë janë dëmtuar duke paguar ekstra tatim mbi primin e shkruar bruto. “Tregu është me humbje 26 milionë, megjithatë kompanitë është dashur të paguajnë 5 milionë euro tatim. Po është rregulluar kjo, pasi që kem punuar shumë me drejtorin e Shoqatës së Sigurimeve të Kosovës Sami Mazreku”, ka thënë guvernatori Fehmi Mehmeti, ra raportuar “iSIGURIME”

Mehmeti: Sigurimet, sektori më i prekur nga pandemia

Guvernatori BQK-së Fehmi Mehmeti ka bëre të ditur se sektori i sigurimeve është më i prekuri nga pendemia COVID-19. Sipas tij, numri i kontratave të sigurimeve ka rënë për diku 55%, e në anën tjetër vetëm gjatë tremujorit të parë janë paguar 13 milionë euro dëme. “Ne kemi kërkuar që numri i automjeteve të paregjistruara të zvogëlohet, por ai është vetëm duke u rritur. Qytetarëve u është dhënë mundësia që sigurimin ta bëjnë Online, iu është dhënë mundësia të dalin në automjete vetëm me polica të sigurimit. Ka një rënie të theksuar të sigurimit, por demet që shkaktojnë automjetet e pasiguruara kompanitë janë të obliguara t’i paguajnë. U bëjë thirrje qytetareve të mos dalin në rrugë me automjete të pasiguruara. Me siguri se dëmet që ata i shkaktojnë janë të detyruar t’i kthejnë, ato pagesa nuk do t’u falen, kompanitë do të ndjekin procese gjyqësore, gjë që është shumë e natyrshme që ato të kërkojnë atë që është e drejtë e tyre ligjore”, ka thënë ai. Më tutje guvernatori ka bërë të ditur se është mirë që kjo çështje të adresohet të instancat relevante, pasi që Kosova synon anëtarësimin në Këshillin e Byrove. “Në vitin 2011 është aplikuar që të anëtarësohemi në Këshillin e Byrove, tw gjitha kushtet janë plotësuar, por ka dalw pengesë që Kosova nuk është pjesë e OKB-së. Jemi duke shikuar modalitete që ta tejkalojmë këtë situatë” ka thënë ai.

Mazreku: Automjetet e paregjistruara barrë e rëndë për Industrinë

Edhe drejtori i Shoqatës së Sigurimeve të Kosovës, Sami Mazreku, alarmon për numrin në rritje të automjeteve të paregjistruara. Sipas tij, duke iu referuar të dhënave zyrtare, numri prej 150 mijë automjete ta paregjistruara është barrë shumë e rëndë për një sektor siç janë sigurimet. Ai mendon se të gjitha Institucionet duhet të bëjnë të pamundurën që të ulet ky numër, sepse dëmet janë të shumëfishta. “Nga mos regjistrimi i automjete shteti humb dhjetëra miliona euro në emër të taksave, humbin kompanitë sepse demet që shkaktojnë ato duhet të paguhen, por edhe rrezikohen qytetaret, pasi që ato automjete ta pasiguruara janë edhe të pa kontrolluara teknikisht”, ka thënë më tutje drejtori Mazreku.

Sami Mazreku, drejtor i Shoqatës së Sigurimeve të Kosovës, thotë se gjatë muajve mars dhe prill shitja e policave të sigurimit ka rënë për 50 për qind, përderisa kompanitë e sigurimeve kanë rritur pagesën e dëmeve për automjetet e aksidentuara në shifra rekorde deri më tani

Drejtori i Shoqatës së Sigurimeve të Kosovës, Sami Mazreku, thotë se në tre mujorin e parë të këtij viti pagesa e dëmeve për automjetet e aksidentuara nga kompanitë vendore të sigurimeve ka qenë më e larta deri më tani, ndonëse në gjysmën e dytë të muajit mars kompanitë nuk kanë punuar fare për shkak të pandemisë COVID-19. Sipas tij, gjatë periudhë janar-mars 2020 janë paguar 13 milionë euro dëme nga kompanitë e sigurimeve, apo rreth 17.5% më shumë se në periudhën e njëjtë të vitit të kaluar. Gjatë intervistës për shtojcën “iSigurime”, Mazreku ka folur edhe për dëmin financiar që i është shkaktuar industrisë së sigurimeve nga pandemia gjatë dy muajve të fundit. Sipas tij, gjatë muajve mars dhe prill, si pasojë e pandemisë COVID-19, shitja e policave të sigurimit në Kosovë ka rënë gati për 50%, krahasuar me muajt paraprak, por edhe me periudhën e njëjtë të vitit të kaluar. Ai ka kërkuar nga Qeveria e Kosovës t’i ndihmojë edhe këtij sektori, i cili po përballet me faturë të lartë të humbjeve si pasojë e pandemisë COVID-19, raporton “iSIGURIME”.

COVID-19 e goditi rëndë industrinë e sigurimeve

Përkundër goditjes që ka pësuar industria e sigurimeve nga pandemia COVID-19, a ka vazhduar me të njëjtin ritëm edhe pagesa e dëmeve për qytetarët?

 

Mazreku: E kam potencuar në disa raste se pandemia COVID-19 ka goditur rëndë industrinë kosovare të sigurimeve, me ç’rast numri i policave të sigurimit ka rënë në minimum në dy muajt e fundit(mars-prill), prej se është shënuar rasti i parë me Coronavirus në Kosovë, përkatësisht më 13 mars 2020.

Përkundër këtij fakti, kur të hyrat kanë rënë dukshëm, kompanitë e sigurimeve në Kosovë kanë vazhduar me pagesën e dëmeve për veturat e aksidentuara. Sipas të dhënave zyrtare që i disponojmë nga Banka Qendrore e Kosovës(BQK), vetëm për tre muajtë e parë të këtij viti, kompanitë e sigurimeve kanë paguar dëme në vlerë prej rreth 13 milionë euro, shifër kjo më e larta e paguar në historikun e këtij sektori. Ky ritëm i shpejt i pagesës padyshim se është penguar nga pandemia, por edhe përkundër kësaj, kompanitë janë duke trajtuar dhe paguar dëmet ashtu siç është e paraparë me ligjet e aplikueshme në vendin tonë.

 Nëse krahasohet me çerekun e parë të vitit të kaluar, si është gjendja këtë vit sa i përket pagesës së dëmeve për veturat e aksidentuara?

 Mazreku: Kompanitë kosovare të sigurimeve kanë paguar miliona euro dëme për veturat e aksidentuara edhe gjatë muajit mars, ndonëse nuk ishin duke punuar fare. Pra, gjatë muajve janar-mars 2020 janë paguar dëme në vlerë prej 13 milionë euro, shifër kjo përreth 17.5% më e lartë se në periudhën e njëjtë të vitit të kaluar.

Pagesa e dëmeve është prioritet i secilës kompani që operon në vendin tone dhe për këtë arsye krahasuar me vitin paraprak ka rritje të madhe të pagesës së dëmeve, si në vlerë financiare ashtu edhe në numër të rasteve.

 50% ka rënë shitja e policave të sigurimeve

 Sa e ka vështirësuar punën në industrinë e sigurimeve pandemia dhe a ka ndikuar në zvogëlimin e numrit të punëtorëve ?

Mazreku: Për shkak të pandemisë, nga 16 marsi 2020, Qendrat e Regjistrimit të Automjeteve janë mbyllur dhe për këtë arsye shumë qytetarë kanë lëvizur në rrugët e Kosovës pa regjistrim të automjeteve. Qendrat e Regjistrimit të Automjeteve në Kosovë janë hapur pas dy muajve, përkatësisht më 18 maj 2020, duke punuar me staf të reduktuar esencial për t’i kryer të gjitha shërbimet. Përgjatë kësaj periudhe dy mujore, kur Qendrat e Automjeteve kanë qenë të mbyllura, kompanitë të sigurimeve janë ballafaquar me humbje të mëdha financiare si pasojë e rënies së të hyrave. Konkretisht gjatë muajve mars dhe prill, si pasojë e pandemisë COVID-19, shitja e policave të sigurimit ka rënë gati për 50 % krahasuar me muajt paraprak, por edhe me periudhën e njëjtë të vitit të kaluar. Sipas të dhënave zyrtare të Bankës Qendrore të Kosovës, gjatë muajit mars të këtij viti të gjitha kompanitë e sigurimeve që operojnë në vendin tonë kanë shitur 17,040 polica obligative, nga 30,002 sa ishin në muajin paraprak.
Ndonëse të dhënat zyrtare për muajin prill ende nuk janë publikuar, situata është e njëjtë, madje edhe më e rënduar është në ketë muaj, ku shitja e policave ka rënë në masën prej 50% në raport me periudhën e njëjtë të viti 2019, kur gjatë muajit prill ishin shitur 31,283 polica.
Përkundër rënies së të hyrave për shkak të pandemisë, industria e sigurimeve nuk ka raportuar për zvogëlim të numrit të punëtorëve. Në këtë sektor janë rreth 3000 punëtorë të rregullt dhe 2000 punëtorë të tjerë janë të lidhur në mënyrë indirekte me këtë industri, sepse këto kompani kanë rrjetin e shitjes, kanë zyre që i marrin me qira dhe doemos ka familje që varen nga qiraja që i kanë lëshuar zyrat e tyre.

 A mendoni se Qendrat e Regjistrimit të Automjeteve është dashur të hapen në fazën e parë?

Mazreku: Ne disa herë kemi apeluar tek autoritetet kompetente që t’i hapin Qendrat e Regjistrimit të Automjeteve, sepse mbyllja e tyre ka rrezikuar industrinë e sigurimeve. Po të mos hapeshin edhe për një kohë Qendrat e Regjistrimit të Automjeteve, hapja e të cilave ndodhi më 18 maj, dëmi financiar i shkaktuar ndaj industrisë së sigurimeve do të ishte vështirë i riparueshëm dhe shumë punëtorë rrezikonin t’i humbnin vendet e tyre të punës. Duke u bazuar në statistikat që i kishim nga autoritetet kompetente dhe praktikave nga vendet tjera, kemi vlerësuar se Qendrat e Regjistrimit të Automjeteve do të duhej të hapeshin në fazën e parë të hapjes së bizneseve, por duke i zbatuar në mënyrë strikte rekomandimet e Institutit Kombëtar të Shëndetësisë Publike dhe Ministrisë së Shëndetësisë së Qeverisë së Republikës së Kosovës për mbrojtje nga pandemia, dhe në këtë mënyrë edhe dëmi financiar ndaj këtij sektori do të ishte më i vogël.

Alarmante numri i përgjithshëm i automjeteve të paregjistruara

Numri i automjeteve të paregjistruara ka arritur në mbi 150 mijë. A është alarmante kjo shifër për industrinë e sigurimeve?

Mazreku: Deri pak para shpalljes së pandemisë së COVID-19, sipas statistikave zyrtare të Ministrisë së Punëve të Brendshme, numri i automjeteve të pasiguruara në Kosovë ishte rreth 150 mijë. Kjo shifër e automjeteve të paregjistruara në Kosovë padyshim se është alarmante, pasi që edhe dëmet financiare që u shkaktojnë kompanive të sigurimeve janë tepër të larta. Për dëmet e shkaktuara në komunikacion nga automjetet e paregjistruara, kompanitë e sigurimeve nga viti 2000 e deri më tani kanë paguar hiç më pak se 44 milionë euro dhe kjo shifër padyshim se është shumë e lartë.

Humbjet në industrinë e sigurimeve u konfirmuan nga BQK-ja

A duhet të përfshihet industria e sigurimeve në Pakon Qeveritare, pasi që guvernatori konfirmoi se sektori që e përfaqësoni është ndër më të goditurit në vend?

Mazreku:  Ne kemi kërkuar qw sektori i kompanive të sigurimeve të jetë pjesë e grupit punues të “Pakos II” për rimëkëmbje ekonomike, për shkak se humbjet nga pandemia COVID-19 në këtë sektor janë shumë të larta. Këtë gjë e konfirmoi ditë më parë edhe guvernatori i Bankës Qendrore të Kosovës, Fehmi Mehmeti, në një intervistë për  Radio Televizionin “Dukagjini”, i cili e pohoi se sektori i sigurimeve në Kosovë më së shumti është afektuar nga pandemia COVID-19. Mirëpo, deri më tani ky sektor nuk është përfshirë në kuadër të Pakos Qeveritare për ndihmë bizneseve.

50% ka rënë shitja e policave të sigurimeve gjatë muajve mars dhe prill të këtij viti, krahasuar me muajt paraprak, por edhe periudhën e njëjtë të vitit të kaluar.

17.5% ka qenë më e lartë gjatë periudhës janar-mars 2020, krahasuar me periudhën e njëjtë të vitit të kaluar.

5000 punëtorë janë të angazhuar direkt dhe indirekt në  industrinë kosovare të sigurimeve.

Guvernatori i Bankës Qendrore të Kosovës (BQK), Fehmi Mehmeti,  në një interviste për Radio Televizionin “Dukagjini” ka bërë të ditur se vetëm gjatë vitit 2019 kompanitë e sigurimeve së bashku me Byronë Kosovare të Sigurimeve kanë paguar dëme  mbi 55 milionë euro. Bazuar në të dhëna zyrtare kjo është shifra më e lartë e dëmeve që kompanitë e sigurimeve kanë paguar brenda një vitit që nga konsolidimi e deri më tash

Vetëm gjatë vitit 2019 kompanitë e sigurimeve në Kosovë kanë paguar më shumë se 55 milionë euro dëme, shifër kjo më e larta e paguar brenda një vitit që nga konsolidimi i sektorit e deri më tash. Vlera e dëmeve edhe më tutje vazhdon të jetë tejet e lartë, pavarësisht se kompanitë e sigurimeve tash e sa vjet ballafaqohen me një problem në rritje, atë të numrit të automjeteve të paregjistruara në vendin tonë i cili ka kaluar shifrën prej më shumë se 150 mijë, apo mbi 30 % të automjeteve të përgjithshme që gjenden në vend. Gjatë vitit që lamë pas në konferencën e fundvitit, guvernatori i BQK-së Fehmi Mehmeti kishte paralajmëruar “lufte” ndaj automjeteve të paregjistruara, por punën në këtë drejtim e ngadalësoi pandemia COVID-19, e që solli edhe rritje më të madhe të numrit të automjeteve ta paregjistruara në vendin tonë. Edhe drejtori i Shoqatës së Sigurimeve të Kosovës Sami Mazreku ka thënë se dëmet nga numri në rritje i automjeteve të paregjistruara janë shumë dimensionale, si për Institucionet, ashtu edhe për kompanitë e sigurimeve, por sipas tij këto të fundit detyrohen të paguajnë mjete edhe për ato automjete të cilat shkaktojnë aksident e kompanitë nga to nuk marrin asnjë euro prim, raporton “iSIGURIME”

Mehmeti: Sektori i sigurimeve është afektuar më së shumti nga pandemia

Guvernatori i Bankës Qendrore të Kosovës (BQK) Fehmi Mehmeti  në një interviste për Radio Televizionin “Dukagjini” ka thënë se sektori i sigurimeve në Kosovë më së shumti është afektuar nga pandemia COVID-19. “Realisht ka filluar të konsolidohet sektori i sigurimeve, pasi që gjatë vitit 2019 vlera e aseteve ka arritur në 193 milionë euro. Ai më tutje ka bërë të ditur se vlera e primit të shkruar bruto gjatë vitit që lamë pas ka arritur në 99,2 milionë euro, me një rritje prej 7 % në baza vjetore. “Vetëm gjatë vitit 2019 kompanitë e sigurimeve së bashku me Byronë Kosovare të Sigurimeve kanë paguar dëme mbi 55 milionë euro”, ka bërë të ditur ai. Më tutje guvernatori Mehmeti ka bërë të ditur se BQK-ja do të ketë zero kompromis sa i përket pagesës së dëmeve.

Mazreku: Pagesa dëmeve do të rritet në vazhdimësi

Drejtori i Shoqatës së Sigurimeve të Kosovës Sami Mazreku thotë se pagesa e dëmeve për aksidentet e shkaktuara do të rritet në vazhdimësi. Sipas tij, gjatë këtij viti kompanitë kanë vazhduar pagesat më një intensitet të lartë pavarësisht se pasojave që iu ka sjell atyre pandemia COVID-19. “ Secila kompani e bën të pamundurën që në një kohë sa më të shpejt të bëjë kompensimin e dëmit. Kjo është parë edhe sivjet ku gjatë  tre mujorit të parë të këtij viti janë paguar më shumë se 13 milionë euro dëme” ka bërë të ditur drejtori Mazreku.

Pagesat e dëmeve në tre vitet e fundit

Bazuar në të dhënat zyrtare të Bankës Qendrore të Kosovës shihet se kompanitë e sigurimeve pa përfshirë Byronë Kosovare të Sigurimeve gjatë periudhës janar – dhjetor 2019, kanë paguar gjithsej 51,325,378 euro dëme ose 16.35% më shumë se gjatë periudhës janar – dhjetor 2018. Gjithashtu, duke iu referuar të dhënave zyrtare edhe gjatë periudhës janar – dhjetor 2018, janë paguar dëme gjithsej 44,112,734 euro ose 1.20% më shumë se gjatë periudhës janar – dhjetor 2017, derisa gjatë periudhës janar – dhjetor  2017, janë paguar gjithsej  dëme 43,591,572 euro ose 15.81% më shumë krahasuar me periudhën janar – dhjetor 2016. Drejtori i Shoqatës së Sigurimeve të Kosovës thotë se pagesa me kohe e dëmeve është prioritet i secilës kompani që operon në vendin tonë. Ai më tutje tregon se kompanitë janë duke bëre pagesa të dëmeve edhe tash, ndonëse të hyrat nga shitja e policave janë përgjysmë më të ulëta.

51,325,378 euro është shuma e dëmeve që vetëm kompanitë e sigurimeve kanë paguar gjatë periudhës janar-dhjetor 2019.

16.35% është rritur pagesa e dëmeve gjatë vitit 2019 në raport me vitin paraprak

44,112,734 është shuma e dëmeve që vetëm kompanitë e sigurimeve kanë paguar gjatë periudhës janar-dhjetor 2018.

1,2 % është rritur pagesa e dëmeve gjatë vitit 2019 në raport me vitin paraprak

43,591,572 euro është shuma e dëmeve që vetëm kompanitë e sigurimeve kanë paguar gjatë periudhës janar-dhjetor 2018.

15.81% është rritur pagesa e dëmeve gjatë vitit 2019 në raport me vitin paraprak.

Gjatë muajve mars dhe prill të këtij viti, si pasojë e pandemisë COVID-19, shitja e policave të sigurimit ka rënë gati për 50 % krahasuar me muajt paraprak, por edhe me periudhën e njëjtë të vitit të kaluar. Drejtori i Shoqatës së Sigurimeve të Kosovës Sami Mazreku thotë se nëse një trend vazhdon edhe në muajt në vijim situata do të rëndohet tej mase

iSIGURIME

Rreth 50 % ka rënë shitja e policave të sigurimit të automjeteve gjatë muajve mars dhe prill të këtij viti si pasojë e pandemisë COVID-19. Duke iu referuar të dhënave zyrtare të Bankës Qendrore të Kosovës (BQK), shihet se gjatë kësaj periudhe shitja e policave ka rënë si asnjëherë më parë, duke e dëmtuar rëndë industrinë e sigurimeve.

Sipas të dhënave zyrtare të Bankës Qendrore të Kosovës, gjatë muajit mars të këtij viti të gjitha kompanitë e sigurimeve që operojnë në vendin tonë kanë shitur 17,40 polica obligative, nga 30,002 sa ishin në muajin paraprak.

Ndonëse të dhënat zyrtare për muajin prill ende nuk janë publikuar, situatë është e njëjtë, madje edhe më e rënduar është në ketë muaj, ku shitja e policave ka rënë në masën prej 50 %, në raport me periudhën e njëjtë të viti 2019, ku gjatë muajit prill ishin shitur 31,283

Situata po rëndohet

Sami Mazreku, drejtor në Shoqatën e Sigurimeve të Kosovës thotë se nëse trendi i tillë vazhdon edhe në muajt e ardhshëm situata do të vështirësohet tej mase, sepse kompanitë nuk po inkasojnë mjete, derisa në anën tjetër po paguajnë dëme, po e paguajnë stafin dhe shpenzimet tjera operative.

“Po shpresojmë se masat tjera lehtësuese do të fillojnë të aplikohen së shpejti, pasi që situata do të rëndohet edhe më shumë. Në komunikacion ka rritje të dukshme të automjeteve të paregjistruara. Referuar të dhënave zyrtare të Policisë shihet se ditëve të fundit ka rritje të numrit të aksidenteve në raport me ditët paraprake, pasi që është rritur dukshëm fluksi i qytetareve”, ka thënë drejtori Mazreku.

Ai më tutje ka thënë se është e domosdoshme hapja sa më e shpejt e Qendrave të Regjistrimit të Automjeteve, natyrisht duke respektuar të gjitha rekomandimet e Institutit Kombëtar të Shëndetit Publik.

“Sa më herët që të hapen dëmi do të jetë më i vogël si për kompanitë e sigurimit, ashtu edhe për qytetaret”, ka apeluar më tutje Mazreku.

Kompanitë duhet të ndihmohen

Më tutje, drejtori Mazreku thotë se ashtu sikurse edhe kompanitë tjera private, industria e sigurimeve duhet të ndihmohet nga shteti, sepse është e prekur direkt nga pandemia COVID-19.

“Industria e sigurimeve luan një rol të rëndësishëm si në aspekt ekonomik, ashtu edhe atë social, pasi që direkt dhe indirekt në industri janë të punësuar  mbi 5 mijë punëtorë dhe vazhdimi i situatës edhe në muajt në vijim i rrezikon ata”,  ka thënë më tutje drejtori i Shoqatës së Sigurimeve të Kosovës Sami Mazreku.

 

17,040 polica obligative të sigurimit i kanë shitur kompanitë e sigurimeve gjatë muajit mars të vitit 2020.

2,692,696.46 janë të hyrat nga shitja e policave gjatë muajit mars 2020.

42 % ka rënë shitja e policave gjatë muajit mars 2020 në raport me muajin shkurt 2020.

4,257,244 ishin të hyrat nga shitja e policave gjatë muajit shkurt 2020

“Po shpresojmë se masat tjera lehtësuese do të fillojnë të aplikohen së shpejti, pasi që situata do të rëndohet edhe më shumë. Në komunikacion ka rritje të dukshme të automjeteve të paregjistruara. Referuar të dhënave zyrtare të Policisë shihet se ditëve të fundit ka rritje të numrit të aksidenteve në raport me ditët paraprake, pasi që është rritur dukshëm fluksi i qytetareve”, ka thënë drejtori Sami Mazreku.

 

Sipas të dhënave zyrtare nga kompanitë e sigurimeve, gjatë tre muajve të parë të këtij viti u paguan 13 milionë euro dëme, pavarësisht se gjatë gjysmës së dytë të muajit mars thuajse nuk kishin punuar fare. Bazuar në të dhëna të Bankës Qendrore të Kosovës shihet se në raport me periudhën e njëjtë të vitit 2019 pagesa e dëmeve është rritur për 17.43%

iSIGURIME

Kompanitë e sigurimeve që operojnë në vendin tonë edhe më tutje vazhdojnë të paguajnë shuma të mëdha parash në emër të dëmeve, pavarësisht se muajt e fundit ato u përballen me probleme të shumta si pasojë e pandemisë COVID-19. Gjatë tre muajve të parë të këtij viti, sipas të dhënave zyrtare kompanitë e sigurimeve paguan 13 milionë euro dëme, pavarësisht se gjatë gjysmës së dytë të muajit mars thuajse nuk kishin punuar fare. Bazuar në të dhëna të Bankës Qendrore të Kosovës shihet se në raport me periudhën e njëjtë të vitit 2019 pagesa e dëmeve është rritur për 17.43%. “Numri i dëmeve të paguara gjatë periudhës janar – mars 2020, në krahasim me periudhën e njëjtë të vitit paraprak, është rritur me 1,752(me çfarë është rritur, euro?) më shumë dhe arriti në 35,569, nga të cilat 35,507(çfarë, euro, milionë?) dëme janë paguar nga kompanitë e sigurimit të Jo-Jetës dhe 62 nga kompanitë e sigurimit të Jetës”, thuhet në raportin e fundit të Bankës Qendrore të Kosovës.

Pagesa e dëmeve prioritet

Sami Mazreku, drejtor i Shoqatës së Sigurimeve të Kosovës thotë se pagesa e dëmeve është prioritet i secilës kompani që operon në vendin tonë. Ai thotë se në raport me vitin paraprak ka rritje të madhe të pagesës së dëmeve,  si në vlerë ashtu edhe në numër. Por, Mazreku thotë se edhe më tutje problem mbetet numri i madh i automjeteve të paregjistruara që shkaktojnë aksidente, ndërsa në anën tjetër nuk paguajnë fare prim. “Janë shuma të mëdha parash që kompanitë shpenzojnë për ta mbushur fondin e sigurimit,  nga i cili kompensohen personat të cilët janë dëmtuar nga automjetet e pa siguruara. Mirëpo, qytetaret janë të obliguar që ato mjete t’i kthejnë në fondin e sigurimit”, ka bërë të ditur Mazreku. Ai edhe më tutje ka apeluar se hapja sa më e shpejt e Qendrave të regjistrimit të Automjeteve sado pak ndikon në stabilizimin e tregut. Sipas tij të gjitha shpenzimet e kompanive janë të njëjta, ndërsa të hyrat nga shitja e policave kanë rënë gati për 50 %.

Kompanitë vazhdojnë trajtimin e dëmeve

Zana Vula, drejtore i Departamentit të Dëmeve në kompaninë “Elsig”, ka thënë për ‘iSIGURIME’ se kompensimi i dëmeve paraqet një ndër pjesët kryesore të aktivitetit të një kompanie të sigurimit, natyrisht se po kaq e rëndësishme është edhe për “Elsig” kompensimi i palëve të dëmtuara dhe mbrojtja e policëmbajtësve. Megjithatë, sipas saj e gjithë situata detyrimisht ndryshoi prej fillimit të pandemisë COVID-19 në Kosovë, respektivisht bazuar në vendimet e ndërmarra nga qeveria, me ç’rast edhe kompania duhej t’i përshtatej procesit të ri të punës sipas masave të sigurisë.“Detyra primare e ‘Elsig’ gjatë gjithë kësaj periudhe ka qenë dhe mbetet angazhimi për mbrojtjen e shëndetit të punonjësve dhe klientëve të kompanisë. Prandaj, njëjtë edhe në departamentin e dëmeve, edhe pse duke funksionuar me kapacitete të zvogëluara për shkak te masave të qeverisë, kompania ka vazhduar të pranojë kërkesat për dëmshpërblim për të gjitha produktet nga palët e dëmtuara,  si: përmes postës fizike dhe asaj elektronike, po ashtu edhe kërkesat e drejtpërdrejta pranë zyrave të ‘Elsig’ të dedikuara për pranimin e kërkesave për dëmshpërblim. Po ashtu,gjatë kësaj kohe kemi vënë në dispozicion edhe disa numra telefonik shtesë për të qenë më afër kërkesave të siguruarve dhe për t’ua shpjeguar mundësitë që i kanë palët e dëmtuara në paraqitjen e kërkesave për zhdëmtim”, ka thënë ajo. Vula më tutje ka bërë të ditur se në kuadër të kësaj, për shkak të mundësisë që dokumentacioni në kopje fizike të jetë i kontaminuar me virusin COVID-19, trajtimi i të njëjtit nuk ka qenë e mundur të trajtohet menjëherë, prandaj dokumentet janë lënë të rrinë pa u prekur së paku 3-5 ditë përpara se të kontrollohen. Ajo tregon se si pasojë e kësaj afatet e trajtimit të rasteve kanë pësuar shtyrje në këtë aspekt, për këtë janë njoftuar palët dhe gjithmonë kemi hasur në mirëkuptimin e tyre për shkak të situatës së krijuar nga pandemia. “Procedurat tjera të trajtimit të dëmeve kanë vazhduar në të njëjtën formë siç janë edhe të përcaktuara me rregulloret e Bankës Qendrore të Kosovës, duke vazhduar kështu edhe me mbylljen e lëndëve me marrëveshje (që palët ta kenë sa më të lehtë dhe të mos dalin prej shtëpive për shkak të masave, ju kemi mundësuar kryerjen e kësaj procedure përmes postes elektronike) dhe pagesën e dëmeve në vazhdimësi. Prandaj është jetike të informojmë palët e dëmtuara se ‘Elsig’ do t’u përgjigjet kërkesave të tyre me përpikëri sipas rregulloreve dhe ligjeve në fuqi, mjafton që të jenë të siguruar”,  tha ajo.

Bie dukshëm numri i aksidenteve

Edhe Mentor Basha, drejtor i sektorit të dëmeve, dhe Visar Baxhuku Përgjegjës i sektorit të trajtimit të dëmeve jo shëndet në kompaninë “Eurosig”, në një raport të përpiluar thuhet se me fillimin e përhapjes së Coronavirusit dhe rritjes së numrit të rasteve në rajon dhe në vendin tone, detyrimisht u vendosen masa kufizuese nga autoritetet me qëllim të parandalimit të përhapjes. Nga këto kufizime dhe rreziqe të përhapjes së virusit u ndikua në procedurë edhe paraqitja dhe trajtimi i dëmeve në industrinë e sigurimeve. “Në këtë periudhë në biznesin tonë puna është organizuar nga largësia, puna ka vazhduar nga shtëpitë, të gjithë kolegët janë pajisur me programet tona të instaluara në kompjuterët e tyre, i kemi  eliminuar pothuajse të gjitha kontaktet e punonjësve në drejtori dhe zyrat e degëve me të tjerët. Kemi ekipe të riorganizuara nëpër zyre, si dhe  shërbimi i TI-së që siguron të gjitha kushtet për vazhdimin e biznesit në këto rrethana të jashtëzakonshme”, thuhet më tutje në vlerësimin e tyre.

Sipas tyre, me aplikimin e masave të kufizimit të lëvizjes së qytetarëve dhe ndalimin e ushtrimit të veprimtarive të shumë ndërmarrjeve, qarkullimi i automjeteve dhe këmbësorëve është ulur në masë të madhe. Kjo gjë ka ndikuar edhe në uljen e numrit të aksidenteve të trafikut (referuar periudhës 16.03.2020 – 27.04.2020 në raportimin ditor të rasteve nga Policia e Kosovës, kemi një numër shumë më të vogël të aksidenteve të trafikut). “Në periudha të qarkullimit të automjeteve dhe pjesëmarrësve tjerë në trafik pa masa kufizuese, mesatarisht raportoheshin 40-45 aksidente në ditë, kurse tani kemi të raportuara mesatarisht 10-15 aksidente rrugore. Nëse analizojmë në numër aksidentesh, kemi një diferencë prej  rreth 2/3 (65% TPL dhe 75% te dëmet vullnetare). Është interesant fakti se numri i aksidenteve të raportuara te ne  ka qenë më i ulët në periudhën kur kufizimet e lëvizjes ishin në periudhën kohore 06:00-17:00, se sa në kufizimin sipas numrit personal të mbajtësit të lejes së njoftimit (mund te supozohet se intervali kohor i lëvizjes më i gjatë ka krijuar komoditet në raport me intervalin  e  kufizuar, ose pjesëmarrja më e madhe e automjeteve në qarkullim ka ndikuar në rritjen e përqendrimit në raport me numrin më të vogël të automjeteve. Ky është vetëm supozim, sepse shkaku real mund të dihet vetëm pas një analize të detajuar”, thuhet më tutje në vlerësimin e tyre.

12,950,727 euro dëme janë paguar nga kompanitë e sigurimeve gjatë periudhës janar-mars 2020.

17,43 % është rritur pagesa e dëmeve gjatë periudhës janar-mars 2020 në raport me periudhën e njëjtë të vitit paraprak.

35,569 ka arritur numri i dëmeve të paguara vetëm gjatë tre muajve të parë të vitit 2020.

1,752 është rritur numri i dëmeve të paguara gjatë periudhës janar-mars 2020 në raport me periudhën e njëjtë të vitit 2019.