Dezinfektimi i vazhdueshëm i zyrave të Shoqatës së Sigurimeve të Kosovës

 

Drejtori i Shoqatës së Sigurimeve të Kosovës Sami Mazreku gjatë javës së kaluar në të gjitha mediet nacionale dhe ato lokale në vend ka folur për pasojat që po shkakton COVID 19 në Industrinë e Sigurimeve

KLAN KOSOVA

Drejtori i Shoqatës së Sigurimeve të Kosovës Sami Mazreku në një intervistë për Klan Kosova ka thënë se pandemia ka ndikuar negativisht në Industrinë e sigurimeve. Sipas tij, ditëve të fundit shitja e polisave ka rënë pothuajse në pikën zero. “Kemi një fenomen internate. Në rrugë është rritur qarkullimi i automjeteve, deri sa në anën tjetër nuk ka shitje të polisave. Ne gjatë ditëve të fundit kemi nisur një kampanjë vetedijesuese, ku iu kemi treguar qytetareve që dalja në komunikacion pa polisa ka pasoja të mëdha për ta”, ka thënë Mazreku.

EKONOMIAONLINE

Siguroni automjetet, s’mund të lëvizni pa polisa

Drejtori i Shoqatës së Sigurimeve, Sami Mazreku, i ka lutur shoferët që të mos dalin në trafik me automjete të pasiguruara.  Edhe pse është kërkuar mirëkuptim nga Policia që shoferët të mos dënohen në këtë kohë të pandemisë, ata po dënohen për mungesë të sigurimit. Ai ka kërkuar mirëkuptim nga shoferët sepse çdo dëm që shkaktohet duhet të paguhet nga kompanitë e sigurimeve. Ai ka deklaruar se në momentin kur ka filluar situata me virusin Korona, në bazë të të dhënave të njësisë së Punëve të Brendshme kanë qenë rreth 148 mijë automjete të pasiguruara, 356 mijë të regjistruara. Përkundër kësaj,  Mazreku ka thënë se ende nuk dihet numri i saktë i automjeteve të tilla që janë në qarkullim. Në një intervistë për “Ekonomia Online”,  drejtori i Shoqatës së Sigurimeve, Sami Mazreku tha se: “Ish-Ministri i Punëve të Brendshme ka kërkuar nga Policia që të ketë mirëkuptim sa i përket pjesës së regjistrimit. Kjo nuk do të thotë që shoferët në Kosovë do të mund të lëvizin pa sigurim, sepse policia është duke i gjobitur qytetarët të cilët nuk e kanë automjetin të siguruar. Dëmet i paguan kompania e sigurimeve”,  u shpreh Mazreku.

 TELEGRAFI

Pandemia e COVID-19 po e dëmton sektorin e sigurimeve, mos dilni në rrugë pa sigurimin e automjeteve.

Drejtori i Shoqatës së Sigurimeve të Kosovës, Sami Mazreku thotë se pandemia e virusit Korona e ka dëmtuar sektorin e sigurimeve dhe se kjo periudhë mund ta përkeqësojë situatën. Ai në një intervistë për Telegrafin, apelon që të mos dilet në rrugë pa sigurimin e automjeteve.

Mazreku tregon se kompanitë e sigurimeve janë duke punuar gjashtë orë në ditë në mënyrë që të ofrohen shërbimet e kërkuara nga qytetarët. Në pyetjen se si po ndikon pandemia në industrinë e sigurimeve, ai ka thënë: “Si në çdo biznes tjetër në vend, pandemia e virusit Korona e ka dëmtuar tej mase edhe industrinë e sigurimeve në vend, pasi numri i polisave të shitura nga kompanitë e sigurimeve ka rënë në minimum, derisa në anën tjetër në rrugë kemi mjaft automjete që po qarkullojnë, madje edhe pa regjistrim fare. Rritja e numrit të automjeteve të pa siguruara në këtë fazë edhe më shumë e keqëson situatën, pasi që aksidentet që shkaktojnë ata sipas ligjit në fillim duhet të kompensohet nga Fondi i Sigurimit, i cili mirëmbahet nga kompanitë e sigurimit, deri sa më vonë kompanitë kërkojnë rimbursim nga shkaktari i aksidentit”.

RTK

Mazreku: Kompanitë e Sigurimeve punojnë gjashtë orë në ditë, siguroni automjetet e juaja

Drejtori i Shoqatës së Sigurimeve të Kosovës, Sami Mazreku, ka thënë se edhe pse situata është rënduar nga pandemia e virusit Korona, sigurimi i automjeteve në Kosovë vazhdon dhe të gjitha kompanitë e sigurimeve janë të hapura në gjithë vendin. “Të gjitha kompanitë e sigurimeve janë duke ofruar të gjitha shërbimet për të cilat janë licencuar, në pajtim me vendimet dhe rekomandimet e institucioneve shtetërore në vend. Njëkohësisht, u bëj thirrje të gjithë qytetarëve të Republikës së Kosovës që për lëvizjen me automjete gjatë kësaj periudhe ta blejnë sigurimin e detyrueshëm nga auto përgjegjësia – sigurimin TPL, ndërsa procedurat e regjistrimit të automjeteve do t’i kryejnë në një kohë më vonë në cilëndo komunë që ta kenë më afër, konform vendimit të Ministrisë së Punëve të Brendshme. Të gjithë qytetarët e Republikës së Kosovës duhet t’i respektojnë vendimet e organeve kompetente për ta ruajtur shëndetin dhe për ta shpëtuar jetën e më të dashurve tanë”, tha Mazreku sot në emisionin e mëngjesit “Mirëmëngjesi Kosovë” në Radio Televizionin e Kosovës (RTK). “Të gjithë ata klientë që dalin në qarkullim duhet t’i sigurojnë automjetet. Pas datës 27 mars ka lëvizje të shumta të automjeteve sikur me qenë gjendje normale. Ne apelojmë te qytetarët që të mos dalin pa sigurim në rrugë. Nuk janë të obliguar ta paguajnë taksën komunale. Marrja e sigurimit ka të bëjë me sigurinë e tyre”, tha ai. Ai ka përmendur edhe rastin e fundit të një aksidenti fatal që ndodhi ditë më parë në rrugën për  në Ferizaj. “Në aksidentin e fundit me pasoja fatale që ndodhi afërsi tw Ferizajit, në të cilin humbën jetën tre persona, njëra ndër veturat nuk kishte sigurim. Qytetarët duhet të dinë se të gjitha dëmet që bëhen paguhen nga Fondi i kompensimit që paguhet direkt nga kompanitë e sigurimeve. Mirëpo këto mjete më vonë do t’i kërkohen fajtorit”, tha ai. Mazreku ka apeluar që ata që dalin mos të hezitojnë dhe të shkojnë në pikat e kompanive.

TELEVIZIONI I PRIZRENIT

Drejtori i Shoqatës së Sigurimeve të Kosovës, Sami Mazreku, në një prononcim për TV Prizreni, tha se pas ndryshimit të kufizimit të lëvizjes së qytetarëve dhe automjeteve me 27 mars, është vërejtur fluks më i madh i veturave në qarkullim, dhe shqetësues është fakti se a janë të siguruara të gjitha automjetet apo jo në këtë kohë pandemie. Për këtë çështje, thotë më tej drejtori Mazreku, i jemi drejtuar MPB-së, dhe apelojmë që të gjithë ata klientë që dalin në qarkullim duhet të sigurojnë automjetet e tyre. Drejtori Mazreku tregon edhe për sfidat që janë të pranishme në kohën e pandemisë në Qendrat e Sigurimeve, ku janë të përfshirë rreth 5 mijë të punësuar në nivel vendi në mënyrë direkte dhe atë indirekte. Ndryshe, të gjitha kompanitë e sigurimeve janë te hapura në gjithë vendin, theksoi në fund drejtori Mazreku.

TV T7

Drejtori i Shoqatës së Sigurimeve të Kosovës Sami Mazreku, në një inkuadrim live përmes skype në T7 ka thënë se gjatë kësaj kohe është një fluks i madh i qytetareve në trafik, deri sa në anën tjetër ka shumë pakë ka shitje. “krejt ajo çka duhet tash me dalë në trafik është një polic e sigurimit. “Zyrat e kompanive janë duke punuar nga ora 9:00 deri në orën 15:00” ka thënë ai.

TV LIRIA

Drejtori i Shoqatës së Sigurimeve të Kosovës Sami Mazreku për Televizionin Liria ka thënë se edhe në Ferizaj po vërehet një fluks i madh i qytetareve në komunikacion. “Mos dilni pa sigurim sepse demet si për ju si për pjesëmarrësit tjerë janë të mëdha” ka apeluar ai.

Shoqata e Sigurimeve e Kosovës për shkak të situatës së krijuar në vend si pasojë e pandemisë COVID 19 ka arritur të mbajë trajnime online për punëtoret e kompanive të sigurimit që operojnë në vendin tonë. Drejtori i Shoqatës, Sami Mazreku, thotë se kësaj radhe përgatitja për mbajtje të trajnimeve në distancë është bërë brenda një kohe të shkurtër, por ai tha se në ditët në vijim një sistem i tillë do të avansohet tej mase për tu përdorur edhe më tutje në kushte dhe rrethana normale.

 Brenda një kohe relativisht të shkurtë për shkak të gjendjes së krijuar në vend si pasojë e pandemisë COVID 19, Shoqata Sigurimeve e Kosovës ka arritur që për herë të parë të organizojë  trajnime Online për punëtoret e kompanive të sigurimit në vendin tonë. Kësaj radhe kompanitë e sigurimeve janë detyruar ta bëjnë një gjë të tillë për shkak të situatës së krijuar në vend, por në fund të vitit që lamë pas drejtori i Shoqatës së Sigurimeve të Kosovës Sami Mazreku në planin e tij të punës për vitin 2020 kishte paraparë edhe organizimin Online, i cili është i obligueshëm për punëtorë të kompanive të sigurimeve në Kosovës të cilët shesin polica të sigurimit, ka raportuar “iSIGURIME”.

    \

Sistemi do të avancojë

Drejtori i Shoqatës së Sigurimeve të Kosovës Sami Mazreku thotë se kësaj radhe si pasojë e krizës organizimi për trajnime Online është bërë brenda një kohe shumë të shkurtër, por sipas tij një sistem i tillë i trajnimeve në distancë në ditët në vijim do të avancohet.

“Në planin tim të punës që e kam përgatitur në fund të vitit 2019, për vitin 2020, për shkak të dinamikës që po kalojmë si shoqëri unë kam paraparë krijimin e platformës për trajnime të vazhdueshme Online, por edhe trajnimeve tjera, por kësaj radhe kriza na obligoi që të nisim ashtu siç mundemi, duke shfrytëzuar ato publike që kanë qenë ekzistuese. Por, këtë sistem ne do ta përsosim deri në maksimum, sepse është nevojë e kohës, por edhe për faktin se përmes sistemit online ne mund të kemi trajnues nga shumë shtete të ndryshme të botës. Thjeshtë është efikase dhe e domosdoshme për kohen të cilën po kalojmë ne”, ka thënë më tutje drejtori Mazreku.

Katër kompani kryejnë trajnimin Online

Më tutje drejtori Mazreku tregon se deri më tash katër kompani të sigurimeve i kanë kryer trajnimet online dhe sipas tij gjithçka ka shkuar më mirë se që është menduar. Ka qenë hera e parë dhe fillimi i trajnimeve është dashur të ndodh shumë shpejt, pa pasur shumë kohë për tu përgatitur.

“Ne jemi shumë të kënaqur me procesin, por edhe pjesëmarrësit janë shumë të kënaqur. Është diçka e re dhe interesante si për ne, ashtu edhe për pjesëmarrësit në trajnime. Ne tashmë kemi filluar angazhimet për krijimin e sistemit tonë, por edhe trajnimit të trajnueseve për ta aplikuar këtë sistem. Si kompanitë e sigurimeve që ne përfaqësojmë, ashtu edhe Shoqata, në vazhdimësi synojnë të jenë promotor të inovacionit në ketë  industri e cila ka rëndësi të veçantë, si në aspektin ekonomik, ashtu edhe atë social. Pasi që paguajnë taksa për buxhetin e Kosovës dhe punësojnë një numër të madh të punëtoreve, si direkt, ashtu edhe indirekt”, ka thënë më tutje drejtori Mazreku.

CITIM:

“Në planin tim të punës që e kam përgatitur në fund të vitit 2019, për vitin 2020, për shkak të dinamikës që po kalojmë si shoqëri unë kam paraparë krijimin e platformës për trajnime të vazhdueshme online, por edhe trajnimeve tjera, por kësaj radhe kriza na obligoi që të nisim ashtu siç mundemi, duke shfrytëzuar ato publike që kanë qenë ekzistuese. Por, këtë sistem ne do ta përsosim deri në maksimum, sepse është nevojë e kohës, por edhe për faktin se përmes sistemit online ne mund të kemi trajnues nga shumë shtete të ndryshme të botës”, ka thënë Sami Mazreku. / Shoqata e Sigurimeve te Kosoves /

 

Drejtori i Shoqatës së Sigurimeve të Kosovës, Sami Mazreku, në një intervistë ka thënë se edhe industria e sigurimeve të vendit është goditur rëndë nga pandemia e këtyre ditëve. Ai thotë se për këtë situatë e kanë njoftuar Ministrinë e Financave.

Industria e sigurimeve të Kosovës është goditur rëndë nga pandemia e virusit Korona, pasi që ka disa javë që ka rënë dukshëm shitja e polisave të sigurimit, me ç’rast as kompanitë nuk po inkasojnë mjete, ndërsa në anën tjetër vazhdojnë të paguajnë dëme për aksidentet në komunikacion që i shkaktojnë automjetet e pasiguruara. Kështu ka deklaruar në një intervistë për portalin “Front Online” drejtori i Shoqatës së Sigurimeve të Kosovës, Sami Mazreku.  Ai ka shtuar se kjo industri i ka rreth 3000 punëtorë, përderisa edhe 2000 punëtorë të tjerë janë të angazhuar në mënyrë indirekte prej saj, ka raportuar “iSIGURIME”

Mazreku thotë se Shoqata e ka njoftuar Ministrinë e Financave dhe Transfereve të Kosovës për vështirësitë me të cilat po përballet industria. Për situatën e krijuar ai e jep shembullin e Sllovenisë, ku shteti gjatë kohës sa do të zgjasë pandemia ua mbulon 100 për qind qytetarëve polisat e sigurimeve. Ai kërkon nga shoferët kosovarë që të pajisen me polisa të sigurimeve, me të cilat nuk denohen nga Policia e Kosovës edhe nëse nuk e kanë të regjistruar automjetin.

“Shoferët në Kosovë askush s`mund t`i dënojë për shkak të mos regjistrimit të veturave. Të paktën jo në këtë kohë pandemie. Megjithatë, të njëjtët, për të lëvizur lirshëm dhe për t`i shpëtuar gjobës patjetër duhet ta kenë të paguar sigurimin”.

 Për shkak të pandemisë së virusit Korona, Ministria e Brenshme qe disa javë i ka mbyllur Qendrat e Regjistrimit të Automjeteve. Si ka ndikuar kjo tek industria e sigurimeve dhe a ka rrezik që të rritet numri i automjeteve të pasiguruara dhe të paregjistruara?

Mazreku: Më datën 16 mars Ministria e Punëve të Brendshme e ka nxjerrë një vendim për mbylljen e Qendrave të Regjistrimit të Automjeteve, e cila ka ndikuar direkt edhe në industrinë e Sigurimeve, sepse menjëherë është vërejtur ndalja e blerjes së polisave të sigurimeve. Meqenëse ndalohet vetëm regjistrimi i automjeteve, por nuk është ndaluar qarkullimi, i kemi bërë kërkesë MBP-së që personat të cilët dalin në qarkullim, minimalisht të mos dalin pa sigurime. Kërkesa ka qenë që të ndërrohet një udhëzim, që ata të cilët kanë blerë sigurime gjatë kësaj kohe, në kohën kur qendrat e regjistrimit fillojnë të punojnë, të mos kenë nevojë të blejnë sigurime të tjera. E njëjta kërkesë është pranuar. I bie që sot lirshëm mund të ngasim vetëm me polisën e sigurimit.

148 mijë automjete të paregjistruara në Kosovë

Sa është aktualisht numri i automjeteve të pasiguruara që qarkullojnë në rrugët e Kosovës dhe sa mund të rritet për shkak të situatës?

Mazreku: Nëse bazohemi në të dhenat e MBP-së, në regjistër figurojnë rreth 148 mijë automjete të pa regjistruara, por nuk e kemi një pergjigje të saktë se sa prej këtyre mjeteve janë në qarkullm. Fondi i Sigurimeve në vitin 2019 për dëmet e këtyre veturave ka pagauar 4.4 milionë euro. I bie që në njëren anë kompanitë nuk inkasojne mjete për polisat e sigurimeve dhe në anën tjeter duhet të paguajnë mesatarisht nga 3.7 deri në 4.5 milionë euro në vit. Kjo na shkakton neve humbje të mëdha.

Si po funksionon tash industria e sigurimeve, ku shumë zyra janë mbyllur dhe nuk punohet me orar të plotë?

Mazreku: Pas datës 27 mars ka një ndryshim edhe në shitjen e polisave të sigurimit dhe në funksionalizimin e zyreve të kompanive të sigurimeve. Si çdo herë, duke i respektuar rekomandimet e Institutcioneve Shëndetësore ka ndërruar edhe orari, tash punojnë nga ora 9 deri në orën 3 dhe sigurisht që edhe në zyrën qendrore ka reduktim të stafit, punojmë me ndërrime, por pjesa e shitjes, që janë rreth 500 zyra të licencuara në tërë territorin e Kosovës, janë aktive dhe i ofrojnë këto produkte të sigurimeve. Pra, çdokush që deshiron të dalë në trafik e ka të mundshme ta bëjë në cilën do kompani që ai vendos, ta blejë polisën e sigurimit. Kompanitë po funksionojnë, normalisht ky funksionim nuk është i njëjtë si para kohës së pandemisë. Sigurisht tash është një funksionim ndryshe, sepse kjo situatë ka ndikuar në të gjithë globin.

A mundet që qytetarët të lëvizin lirshëm vetëm me polisë të sigurimeve?

Mazreku: Sigurisht se po, këtë mund ta konfirmoni në Policinë e Kosovës, ajo krejt çka duhet është ta bleni një polisë të sigurimit, që ua merr më së shumti një minutë kohë në njërën nga zyrat e kompanive të sigurimeve dhe regjistrimin e procedurave tjera mund ta kryeni në kohën kur Qendrat e Regjistimit hapën dhe fillojnë funksionimin normal.

 Rreth 3000 punëtorë i ka industria e sigurimeve në Kosovë

Industria e Sigurimeve ka numër të madh të të punësuarëve. Nëse vazhdon kjo situatë, a rrezikohen edhe punëtorët e kësaj industrie të largohen nga puna?

Mazreku: Nëse flasim me numër, afërsisht 3 mijë veta janë të punësuar në mënyrë të rregullt, sigurisht që ky numër lëvizë dhe janë rreth 2000 mijë të tjerë që janë të lidhur në mënyrë indirekte me industrinë e sigurimeve, sepse këto kompani kanë rrjetin e shitjes, kanë zyre që i marrin me qira dhe doemos ka familje që varen nga qiraja që i kanë lëshuar zyret e tyre. Sigurisht, nëse flasim për rreth 5 mijë familje, zgjatja e kohës së pandemisë, sikurse në çdo biznes tjetër, do të të ndikojë edhe tek ne dhe të punësuarit tanë. Shpresojmë të mos zgjat shumë dhe t`i kthehemi normalitetit. Aktualisht nuk ka ndonjë veprim që e ka marrë Industria e Sigurimeve. Por nuk mund të jap një përgjigje të saktë për të ardhmen, çkado që ndodh me të gjithë, sigurisht se do të ndodh edhe me neve.

Ministria e Financave i ka ndihmuar disa sektorë të prekur nga pandemia. A janë ndihmuar edhe sigurimet?

Mazreku: Nga ato që kemi parë,  duket një klasifikim se kush ka të drejtë apo kush nuk ka të drejtë. Si çdo odë tjetër, edhe ne si shoqatë e kemi njoftuar Ministrinë e Financave me funksionimin e sigurimeve, me numrin e punëtorëve, efektete e kufizimit të lëvizjes dhe ndërprerjes së punës në qendrave të regjistrimit, të cilat kanë ndikuar direkt tek ne. Aktualisht ka një shitje minimale të polisave, për dallim prej këtyre dy tri diteve të fundit, vërehet që është një interesim i qytetarëve që të lëvizin, të blejnë sigurime, sidomos tani kur po e dinë që u duhet vetëm sigurimi dhe nuk kanë nevojë t’i kryejnë procedurat e tjera. Sepse te ne ka qenë një ide pak më ndryshe, kanë menduar që komplet sigurimi kushton 300-350 euro. Por, siç e thash, mesatarja është 140 euro. Procedurat tjera, komuna, nuk janë mjete që shkojne për kompanitë e sigurimeve, por shkojnë për institutcionet tjera. Nuk kemi marrë ndonjë përgjigje nga Ministria e Financave se çka kanë paraparë për neve, por bazuar në praktikat e vendeve tjera, konkretisht Sllovenisë, me sa kam lexuar, është duke menduar që në kohën e pandemisë,  komplet shumën e sigurimit që duhet ta blejnë qytetarët t`ua mbulojë 100% shteti. Nuk e di sa do të jetë e mundur te ne. Sot do t`u drejthohem Ministrisë së Financave për t’ua dhënë një propozim që varësisht si e vlerësojmë situatën, Ministria e Financave t`ua mbulojë pjesën e pagesës së sigurimeve. Meqenëse humbjet do ishin më të mëdha nëse ata dalin pa sigurim. E kemi një shembull të tillë kur ministria nw vitin 2013, për pjeswn e Luginës së Preshevës e ka paguar pjesën e polisës kufitare. Kjo është e mundur, por nuk e di sa do të ketë vullnet dhe mundësi financiare Ministria e Financave, por do t`ua bëj si poropzim që kjo është mundshme. Te ne ka ndikuar shumë, nuk ka shitje, ka qarkullim, në njërën anë nuk do të inkasojmë mjete, kurse në anën tjetër do të vazhdojmë të paguajmë dëmin e shkaktuar nga këta vozitës që vazhdojnë të dalin në trafik. /Shoqata e Sigurimeve të Kosovës /