Drejtori Ekzekutiv i Shoqatës së Sigurimeve, Sami Mazreku, ka nënshkruar memorandum mirëkuptimi dhe Artan Nimanin, Rektor i Universitetit Publik “Fehmi Agani” në Gjakovë.
“Sot është nënshkruar memorandumi i mirëkuptimit ndërmjet Sami Mazreku, Drejtor Ekzekutiv i Shoqatës së Sigurimeve të Kosovës dhe Artan Nimani, rektor i Universitetit Publik “Fehmi Agani” në Gjakovë.
Qëllimi i këtij memorandumi është ngritja e nivelit të përgjithshëm të studentëve dhe qytetarëve lidhur me industrinë e sigurimeve dhe zhvillimit të saj, produktet e sigurimit si dhe të drejtat dhe detyrimet e tyre që dalin nga kontratat e sigurimit.
Angazhimi i studentëve përmes punëve praktike në kompanitë e sigurimit ështe një mundësi e mirë për ta, ashtu që të njëjtit të kenë informacione të mjaftueshme për tu bërë pjesë e industrisë dhe për ta zhvilluar më tutje atë”, ka shkruar Mazreku në profilin e vet në”Facebook”.
