21.12.2020

Byroja Kosovare e Sigurimit (BKS) njofton të gjithë bashkatdhetarët të cilat si pasojë e një problemi teknik në sistem kanë paguar prim prej 13 euro për muajin janar 2021, luten që gjatë lëshimit të vendit të ndalen në pikat kufitare, respektivisht nëpër zyrat e Byrosë Kosovare të Sigurimit dhe të marrin parat që ata kanë paguar.

Sipas të dhënave zyrtare të BKS-së numri i bashkatdhetarëve që kanë paguar primin prej 13 euro për qëndrim në Kosovë gjatë janarit 2021 është i vogël.

Byroja Kosovare e Sigurimit edhe një herë njofton të gjithë bashkatdhetarët që polica e sigurimit që ata nxjerrin deri më 31.12.2020 e që ka validitet 1 muaj mbulohet tërësisht nga Qeveria e Kosovës.

/Byroja Kosovare e Sigurimit /

Sami Mazreku, ushtrues i detyrës së drejtorit të Byrosë Kosovare të Sigurimeve (BKS) ka vizituar sonte pikën kufitare te Dheu i Bardhë ku nga afër ka pritur bashkatdhetarët e shumtë të cilët janë duke ardhur në vendlindjen e tyre për të kaluar festat e fund vitit.

Mazreku ka thënë se për t’i eliminuar pritjet BKS-ja paraprakisht ka bërë të gjitha parapërgatitjet në mënyrë që bashkatdhetarët në një afat sa më të shkurt kohore të pajisjen me policë të sigurimit.

“Për tu pajisur me police të sigurimit, bashkatdhetarët nuk do të presin fare, ne paraprakisht kemi bërë të gjitha parapërgatitjet” ka thënë Mazreku.

Mazreku po ashtu ka apeluar të bashkatdhetarët që gjatë kohës sa të qëndrojnë në vendin tonë të kenë kujdes të shtuar në komunikacion, sidomos në këtë kohë kur temperaturat janë të ulëta dhe vendi po përballet me mjegull të dendur.

U.d drejtori i Byrosë Kosovare të Siguriumeve Sami Mazreku ka takuar Sot  gazetarë që përcjellin sektorin e Ekonomisë në vendin tonë. “Ata i informova për problemet e mëdha që ka sjell COVID-19 edhe për Byronë Kosovare të Sigurimeve. Gjatë 8 mujorit të parë të vitit 2020, krahasuar me periudhën e njëjtë të vitit paraprak shitja e policave ka rënë në masë të madhe. Pra, kemi 200 mijë polica më pakë. Byroja Kosovare e Sigurimeve do të jetë Institucion i hapur për media për çfarëdo informacioni të kërkojnë gazetarët” ka thënë ai / Byroja Kosovare e Sigurimeve /