Garat u mbajtën në sheshin “Xhorxh Bush” në Prishtinë, ku pjesëmarrës ishin maturantë të shumë shkollave në Kosovë si përfaqësues të shkollave.
Drejtori i Akademisë “Tempulli”, Muhamed Krasniqi tha se këtë vit bëhen një dekadë prej kur kanë nisur këto aktivitete për sigurinë në rrugë. Si të tilla, ai ka shtuar se tashmë kanë marrë karakter edukativ dhe arsimor. Pjesëmarrës në këto aktivitete për 10 vjet, kanë qenë më shumë se 10 mijë nxënës.
“Është edicioni i tetë me radhë. Sot do të garojnë maturantët nga shkollat përfaqësuese të Republikës së Kosovës, për të fituar njërin nga shpërblimet që janë, biçikleta për vendin e parë, dytë dhe të tretë”, ka thënë Krasniqi.
Nënkryetarja e Prishtinës, Donjeta Sahatçiu ka theksuar se janë duke punuar për zgjerimin e shtigjeve për biçikletat dhe do të vazhdojnë të promovojnë sigurinë dhe lëvizjet me biçikleta në kryeqytet dhe komuna vazhdon të jetë e zotuar të punoj në sigurinë e shtigjeve për biçikleta.
Nënkoloneli i Policisë së Kosovës, Jeton Rexhepi theksoi se mbështesin çdo aktivitet, me qëllim të uljes së rasteve të aksidenteve në rrugë.
Në garat e sotshme pjesëmarrës ishin 19 garues në 12 shtigje, ku vendi i parë, dytë dhe i tretë u shpërblyen me nga një biçikletë, dhe shkolla e tyre fituese u pajis më kupë.
• Fituesi i vendit të parë u shpall Darsei Gashi, përfaqësues i shkollës së mesme teknike Skënder Luarasi nga Suhareka, i cili shtegun e kaloi pa asnjë penallti, brenda 40 sekondave.
• Fituesi vendit të dytë u shpall Enris Xhelili nga shkolla e mesme teknike Mehmet Isai nga Gjilani, i cili shtegun e kaloi me sukses dhe pa asnjë penallti për 46 sekonda.
• Fituesi i vendit të tretë u shpall Anit Kololli, përfaqësues i shkollës së mesme teknike Skënder Luarasi nga Suhareka, i cili shtegun e kaloj pa asnjë penallti, brenda 48 sekondave.
Pjesëmarrësit e tjerë u pajisën me mirënjohje.
Këto aktivitete nga viti 2013 në vazhdimësi zhvillohen dhe koordinohen nga Akademia Tempulli (www.tempulli.org), së bashku me Asociacionin Kosovar të Motorizimit AMRKS (www.amrks.org) dhe mbështeten nga Ministria e Arsimit, Shkencës, Teknologjisë dhe Inovacionit, Drejtoritë komunale të arsimit, Policia e Kosovës dhe Byroja Kosovare e Sigurimit. Ndërkaq këtë vit mbështetës ishin edhe Ujë Rrugove dhe kompania Golden Eagle.

Drejtori i Byrosë Kosovare të Sigurimit (BKS) z.Sami Mazreku së bashku me Valon Berishën dhe Ilir Prapashticën kanë vazhduar të mërkurën mbajtjen e prezantimit para studenteve të Universitetit Haxhi Zeka në Pejë.

Drejtori Mazreku si dhe Prapashtica e Berisha para studenteve të këtij universiteti kanë folur rreth funksionimit të sektorit të sigurimeve në vendin tonë, si dhe më detajisht punën që bën Byroja Kosovare e Sigurimit.

Takime dhe prezantime nëpër institucione edukative BKS-ja ka nisur nga fillimi i viti e do të vazhdoj deri në përfundim të këtij viti.

Në fund të takimit drejtori BKS-së së bashku më bashkëpunëtorë ka takuar edhe dekanin e Fakultetit të Biznesit në Pejë z.Halit Shabani ku me të kanë biseduar rreth mundësisë së rritjes së bashkëpunimit në mes të këtyre dy institucioneve të rëndësishme

Drejtori i Byrosë Kosovare të Sigurimit (BKS) z.Sami Mazreku së bashku me Valon Berishën dhe Ilir Prapashticën kanë mbajtur një prezantim para nxënëseve të shkollës së meseme “Hasan Prishtina” në Mitrovicë.

Drejtori Mazreku si dhe Prapashtica e Berisha para tyre kanë shpjeguar rëndësinë e sigurimeve, por edhe informacione të shumta që në të ardhmen do të jenë shumë të nevojshme për ta. Takime dhe prezantime nëpër institucione edukative BKS-ja ka nisur nga fillimi i viti e do të vazhdoj deri në përfundim të këtij viti.

Në fund të takimit drejtori BKS-së i ka ftuar nxënësit që të vizitojnë edhe Institucionin që ai drejton për të parë nga afër se si funksionon.

Nexhat Kryeziu u.d i zëvendësguvernatorit të Bankës Qendrore të Kosovës (BQK) ka vizituar të martën Byronë Kosovare të Sigurimit (BKS), ku është takuar me drejtorin z.Sami Mazreku si dhe z.Agim Elshani, kryesues i Asamblesë së Përgjithshme dhe z.Korab Lluka, kryetar i Këshillit Administrativ në Byronë Kosovare të Sigurimit.

Drejtori Mazreku ka falënderuar Kryeziun që vizitën po e bën në Institucionin që ai drejton.

Mazreku e ka njoftuar zëvendësguvernatorin me reformat, ndryshimet dhe sukseset që kanë pasur në ketë Institucion gjatë dy viteve të fundit.

Gjithashtu Mazreku ka kërkuar mbështetje të më tutjeme të BQK-së për të vazhduar reformat dhe ndryshimet ligjore që duhet t’i përshtatën kohës.

Në anën tjetër zëvendësguvernatori Kryeziu ka uruar menaxhmentin e BKS-së për angazhimin e madhe që ka pas në ndryshimin në tersi të Byrosë Kosovare të Sigurimit

Gjithashtu zëvendësguvernatori i ka ofruar mbështetje të më tutjeshme BKS-së në proceset që kanë për qëllim reformimin e këtij institucioni të rëndësishëm.

Po ashtu, gjatë takimit është diskutuar edhe për gjetjen e modaliteteve në antarësimin e Kosovës në Byronë e Kartonit të Gjelbër.